सारे वसंत ...
सारे वसंत मजला छळू लागले
ऐकेक पान माझे गळू लागले
कोठेच रंग नाही मनासारखा
दु:खात सौख्य आहे कळू लागले
सांगा कुणी मला मी कसा सावरु
आधारस्तम्भ सारे ढळू लागले
आता नवीन कोठे मरण राहिले
आयुष्य रोज येथे दळू लागले
हासून जीवनाशी जरा बोलता
ईर्शेत लोक सारे जळू लागले
हाका कुणास देऊ अता शेवटी
सारेच ऐनवेळी पळू लागले
- प्रतिसाद देण्यासाठी सहभागी व्हा अथवा सदस्य बना
- हे पान ईमेलने पाठवा
सारे वसंत ...
खुप सुन्दर रचना...
आता नवीन कोठे मरण राहिले
आयुष्य रोज येथे दळू लागले
हाका कुणास देऊ अता शेवटी
सारेच ऐनवेळी पळू लागले
विशेषत: अप्रतीम... लिहित रहा...
कोठेच रंग
कोठेच रंग नाही मनासारखा
दु:खात सौख्य आहे कळू लागले
हा शेर विशेष आवडला.
डॉ.कैलास गायकवाड